ياحبيبي ياريس.. طالع وكل نازل واكل..

بعد التحية وبعد السلام :
أزيك يا ريس وازي المدام ؟؟
وقبل ما أنسي ... وقبل ما أنسي أنا بشكرك علي سؤالك علينا ربنا يا ريس يقدرك ويخليك كمان لينا
· شكرا يا ريس شكرا يا ريس علي كل حال...
· ده الشعب كويس وفل وعال العال..
· الشعب واكل ماعندو مشاكل..
· والشباب شغال؛؛؛؛
· واللي يأو لك في بطالة والمواصلات مش شغالة؛؛
· والحكومة بقي حالها زبالة ولازم تتشال ؟؟
· إبعتلو بسرعة ولاد الحلال من قفاه هيشحنوه ..
· ويكرموه ويظبطوه ويشغلوة في أبو زعبل وطرة يكسر جبال
· وأهو أحسن من جلسة القهاوي ويقعد يقول كوسة ورشاوى .. ويقول عليك كلام بطال..
وفي الختام

من قلبي ألف سلام لبطلنا الهمام بطل الوعود .. وكثرة الكلام ..
ودي القصيدة .. وأنا ما بخافش وهفضل أقول كلمة الحق عليها مسئول ؛؛؛
إن الريس ده راجل طيب وبشعبو دائما مشغول ؛؛
مشغول بيجمع فلوسنا وفي سويسرا يحوشهلنا وفي حسابات سرية يشلهالنا .. نفسوا يأمن مستقبلنا
شوفوا أزاي بأي قلبوا رحيم عندو إيمان وضميرو سليم.
بيجوعكوا لجل تخسوا.... .ااه يا شعب محتاج لرجيم..
من جهلكوا بتأولو بطالة وإن الأحوال مش شغالة .. ده الراجل نفسوا يريحكم ولا هي الراحة تبأي عوالة
· أما حكاية المنتجعات بتسموها معتقلات .. ليه الظن وسوء النية .. ده نفسوا يفسحكم يا بهوات .
· أما الكراسي والانتخابات ده كلام مش محتاج لسؤال .. الغلطة دي غلطتنا .. يا عالم أحنا اللي مجبناش كراسي ثقيلة ::
· والله انتم ظالمين الراجل ده ضيع عمرو ومين يستاهل ...
· ده حتى الآكل بيكلو بدل منا طالع واكل .... نازل واكل ..
· بأي بعد ده كلوا والإنجازات العظيمة دي كلها .. مالوا الريس... مالوا الريس..
· طبعا وأنتو عرفين من دون ما أقول ... أصل اللي جوانا أكبر من الكلام ..
· وخلص الكلام وما عاد له فائدة ... تعبنا من اللي بيحصل حوالينا ..