اتخنقنا ...

هم مايتلم ملازمنا ..ليل ويا صباح
لاعارفين ننام منه ..ولا منه يوم نرتاحخلاص إتخنقنا ..ونشف ريقنا
والفرح فارقنا ..وولى وراح والنفس مكسورة..والخطوة مبتورة
والأمل بقى صورة..كلها أشباحوالأيد مهش طايلة..والنفس من جوه شايلة
والجروح منا سايلة..ودمنا مستباحوميزان العدل مقلوب..والفقير فيها مغلوب
واللقمة بنجيبها يادوب ..بطلوع الأرواحوالدنيا علينا مقفولة..معقدة معقربة كسيحة مشلولة
ولغيرنا بسيطة و محلولة ..وبكل سهولة وسداح مداح يامصر فين العدل على أرضك..واقعين فى طولك وعرضكنفسنا نشم وردك ..ونعيش فى براحيامصر مش إحنا برضه ولادك
ولا بقينا خلاص كلابك
ومش محطوطين فى حسابك..وعاوزانا نغور وننزاحيامصر لو جه عدو يعاديكى..وهوب ناحية أراضيكى
مين غيرى اللى حيفديكى..ويشيل السلاحوأشيلك يامه على كتفى..وضحكة من عيونك تكفى
وأقدم روحى على كفى..فداكى ياست الملاحولبر الأمان أعديكى..وأبوس التراب اللى تحت رجليكى
وأغنى ليكى وأشجيكى..بغناوى النصر والأفراحوأطلب منك فى النهاية..العدل على أرضك وكفايه
ويسمع شكوتى وندايا...اللى قاعد على الكرسى ومرتاح