الرئيس الملهم من قبل الاعضاء

أعرب أعضاء مجلس الشورى (المحروق) عن تقديرهم البالغ للرئيس الموكوس محمد

حسني مبارك

لمتابعته الحريق الذي اندلع بمبنى مجلس الشورى مساء الثلاثاء، فور وقوعه،

ولتوجيهاته السريعة إلي كافة الأجهزة الحكومية بسرعة تدارك الموقف

( ياااصلاة النبي يا أولاد ) طب دول يترد عليهم يتقال إيه؟؟؟

هي ناقصة وكسة وخيبة كتكم ستين ألف خيبة المجلس ولع والورق ولع ومصر ولعت

والشعب طلع دخان من فوق ومن تحت

والسادة المبجلين المحترمين يشكرون الرئيس الملهم علي المتابعة والمشاهدة ,,

المجالس الموقرة في مصر أتحرقت واتطربقت على دماغ اللي خلفوهم

ويوم ما يبدءوا يسموا باسم الرئيس الملهم أو الإله المقدس بالنسبة لهم

-

على رأي الشاعرعبد الرحمن يوسف -

ويعربوا عن تقديرهم البالغ للرئيس الموكوس حسني مبارك لمتابعته الحريق فور وقوعه

طيب مافيه ثمانين مليون مواطن مصري أكثر تقديرا في الشرف من هؤلاء ورئيسهم

كانو يتابعون الحريق أيضا فور وقوعه وبيشجعون اللعبة الحلوة كمان

ومن قلوبهم وكانوا بيد عوا من قلوبهم كمان,,,, ماأتنيلوش أعربوا عن تقديرهم ليهم

ليه؟؟؟؟؟؟؟؟

وبعدين مش فاهم إيه موقع "إعرابهم عن التقدير كتكم ستين ألف ..... للموكوس"

من الإعراب أصلا وتوجيهات سيادته بسرعة تدارك الموقف

إذا كان الموقف لم يتم تداركه والحريقة فضلت مستمرة أكتر من عشر ساعات

وجابت أم المجلسين علي التراب ودخلت علي الضرائب ووقعت حيطان الجمعية الجغرافية

بسبب الإهمال الفادح وعدم تجهيز المباني بأجهزة مكافحة الحريق أو حتى أجهزة إنذار

ده طبعا بخلاف إن أصلا في شبهه بل ده الأكيد إن في عناصر من النظام أقريبة منه جدا

وراء هذه الحريقة

وهذه طبعا قصة أخري,,,

!!حتى في عز المصايب المهببة اللي بتنزل على دماغكم نفاقك

م للرئيس المؤله هو هو.... يا كفرة يا ولاد الحرام؟؟!!!

من وجهة نظري إن بتوع مجلس السوري ياخدوا رئيس مجلسهم صفوت الشريف

ويتهببوا يجلسو علي أي قهوة في التحرير أوممكن في عباس العقاد لوعوزين يغيروا جو

بس المشكلة ممكن من عميلهم السوداء القهوة تولع بيهم مثل المجلس اللي كانوا بيجلسوا فيه

ولع علي دماغهم ,,,

لكن يشاء السميع العليم إن القاعة الكبيرة في مجلس الشعب لا مراخذة الشعب ما يولعش

والنواب بيتا ع الشورى اللي معظمهم أصلا ساقط في انتخابات الشعب

واضطر يدخل الشورى باعتبارها الملحق بتاع البرلمان

ربنا كتبلهم يجلسو فترة لا تتجاوز الساعات من نفسهم علي كراسي مجلس الشعب

ولو بصفة مؤقتة وهما طبعا فرحانين بكده أوي وربنا يستر وميولعش بعد جلوس أمثال

هؤلاء علي هذه الكراسي

وبعدين الأخ صفوت الشريف كان مجعوص امبارح وبيقول إن الترميم هيتعمل بفلوس

الأعضاء ههههههههههه

ليه انهرضا طالع جناب معالي الرئيس الملهم يقول إن الترميم هيبقي من فلوس لا مؤاخذة

الدولة اللي هي فلوسنا لا مؤاخذة يااااعني