((حقوق الانسان))
هي حقوقي ويا حقوقك
هي حقوق البني أدمين
هي حقوق كل اللي بيمشي علي رجلين
لا تفرق بين مله ودين
الكل سواء واكيد فاهمين
ان الناس في الدنيا نوعين
ناس فوق الناس عايشين
والتانيين
تحت رجول الناس مساكين
ماسكين ايه ؟!
ماسكين لقمه عيش مكسوره
لقينها في زباله بالكوم
نسألهم ويقولوا مستوره
دأنا سيد وأبو سيد القوم
أنا مصري
عارفين المصري؟!
لو نسيتوه انا برده نسيته
اللي زمان كان الانسان
هو بنفسه اللي بيتهان
من حاكم كلب وخوان
عمال يهبش كله في ايده
هو الريس
واحنا عبيده
هو اللي بينهب ملايين
عمك عبد العال وآمين
نفوس مريضه وطماعين
تصوروا !!
عاوزين وظيفه تلمهم
يتجوزوا
وعيال تمص في دمهم
وأم العيال
دي حالها مال
والعيشه عال
وكل شيئ موجودلهم
لا في زحام علي فرن عيش
توصيل ديليفري للبيوت
حتي الحشيش
طرقع في طاوله بشيش وبيش
كل الهموم تصبح مافيش
والعداله واخده سيرها
حقوق تضيع
ييجي غيرها
الكل عايش جوه خيرها
نعيم بزخ
قوم ,....
ده أنت مصري
ياعم ......
ياعم ......
.jpg)
.jpg)
