أخرس ياظالم

اخرس ياظالم..دا ف عصرك الشرفا ملوا السجون وتشردوا ف المحاكم....احرس ياظالم شكت من ظلمك البهايم...مسير الحق يوم يرجع مهما طال ظلمك ياظالم....انتظروني وقصيدة اخرس ياظالم.........مهداة الى حسني مبارك مكللة بأاااهااات المظلومين ......كفاياك ظلم ياريس


...: لو كانت الحياه تقاس بالسعاده فاكتبوا على قبرى مات قبل ان يولد

هي الرؤساء بتتعب... زي ماقال الزعيم..سبحان الله

الرئيس مبارك في المانيا لاجراء عمليه استئصال الحويصله المراريه لأن بقي له فتره بيشكي من الالآم


وهذا ما يعاني منه ((سرطان الحويصله الصفراوي))






ونقل جميع سلطات ومهام تسيير البلاد لرئيس وزراءه أحمد نظيف


,, يمر عامه الثالث والثمانين وهو يستعد لخوض الانتخابات المقبله , الجديد في الامر انه هيبقي بلا مراره وده معناه انه مش هيستحمل كلمه من المعارضه اصل مرارته اتفقعت


وهناك انباء تقول ان عائلته ترافقه في الرحله دي ،، تقريبا هو ده الخروج الآمن اللي كانو بيقولو عليه


وهناك انباء ايضا تقول ان شباب الحزب الوطني يجهز حمله لاستقباله في مطار القاهره لــ مبايعته في امر خوض الانتخابات






امبارح نيتانياهو قال ان مفيش زعيم واحد كلمه علي موضوع الحرم الابراهيمي ولا الاقصي


والصحف القوميه تُصر علي ان مبارك من المانيا وجّه انتقادات علي اللي بيحصل هناااك


واليوم فيه اقتحامات جديده للمسجد الاقصي ،، هل يمكنني ربط الامريين ببعضهم


يعني مثلا ممكن يكون بيلهينا بصحته عن اللي بيحصل في المسجد الاقصي






علي العموم المرض مفيش فيه شماته والعشره متهونش الا علي ولاد الحرام والقط يحب خنّاقه






وربنا يشفيه ويعود للوطن سليما

الريس زي الفل

وكل اللي عملناه فيه اننا نفقع مرارته ده انجاز رائع وان شاء الله الشعب ده هيدوق طعم التغيير ’ مع روتيتو،

الحمد لله الريس كويس وبياكل عسل وزبادي وبينام دون انقطاع ,, اول ما سمعت دون انقطاع دي جات في بالي فكره الموت الاكلينيكي ,, يخرب بيت افكار الشيطان

بس الحمد لله الريس كويس وبياكل عسل وزبادي ,, بس احنا بقي اللي مش كويسيين ॥بناكل أكل مسرطن وبنشرب ماء مجاري ,, مين بقي اللي اتفقعت مرارته ,, سيصل الريس وهو كويس وبياكل عسل وزبادي الي ارض الوطن سالما ,, واحنا مرارتنا بتزداد التهابات ومفرقعه من زمن جوه ومستنيه دورها في الاستئصال علي نفقه الدوله المفقوع مرارتها



بكره برضو مراره اهل غزه المفقوعه من الف يوم (( الف يوم في الحصار علي غزه))



ممكن يخرجو يصرخوا من الالام في مظاهره سلميه عند الحدود فيقوم واحد مصري مفقوع مرارته يطلق النار علي واحد من غزه مفقوع مرارته ويموت فيرد اهل غزه المفقوع مرارتهم بالطوب علي المصري المفقوع مرارته ويطلق عليه النار من داخل مصر وتبقي مشكله تتكلم عنها كل الفضائيات المفقوع مرارتها واللي بتزود علينا فقع المراره



ده سيناريو بسيط للي ممكن يحصل بكره

ويبقي الريس كويس وبياكل عسل وزبادي

ودمتم

أحذروا

يجب أن يحذر الجميع ... لعبة  الحرب مع الله